МОБИЛНОСТ МАКЕДОНИЈА

На 28.10.2015 година во просториите на Фудбалска федерација на Македонија, делегација на Мобилност Македонија одржа едночасовна работна средба со висока делегација на ФИФА, која беше во работна посета на ФФМ. Дискутиравме за можноста да се продлабочи соработката на полето на фудбалската игри, тренерска едукација,, да се направат пристапни стадионите за лицата со инвалидност, да се подигне јавната свест за можностите за лицата со инвалидност и доколку се изнајдат стабилни средства, да се оформат неколку тимови на нашите здруженија во футсал како можност да се организираат и лига натпревари. Состанокот траеше скоро еден час и на крај излеговме со пријатно чувство дека сме на добар пат во комуникацијата и соработката со ФФМ.

Нашата сорабтка придонесе да се срушат архитектонските бариери во „Куќата на фудбалот на Македонија“ и сега таа е комплетно пристапна за лица кои се движат со инвалидска количка, и тоа не само рампата на влезот на објектот, туку и лифт, адаптиран тоалет, паркинг простор и адаптирани трибини на тренинг центарот „Петар Милошевски“. Честитки до раководните лица на фудбалската федерацијата за преземените конкретни активности.

-Екипата на Мобилност Куманово најдобри квизаџии за 2015

На 24-25.10.2015 година во хотелот “Цар Самуил” во с.Банско-Струмица, се одржа 21 Републички квиз натпревар за лица со телесен инвалидитет на Македонија во организација на националниот сојуз МОБИЛНОСТ МАКЕДОНИЈА. Настапија 16 екипи од 15 општински и меѓуопштински здруженија. Првото место на годинешното квиз издание и епитет на најдобри квизаџии за 2015 година со освоени 134 поени во финалето и припадна на екипата на МОБИЛНОСТ КУМАНОВО во состав: Страшко Коцевски, Јанчо Ѓорѓевски и Савре Бојковиќ. На второто место со освоени 79 поени се пласира екипата на МОБИЛНОСТ СТРУМИЦА во состав: Дивна Танева, Љубица Боева и Љубе Лазаревски, додека третото место со освоени 57 поени и припадна на екипата на МОБИЛНОСТ КАВАДАРЦИ во состав: Николчо Делов, Ѓоко Костов и Ѓоко Стојанов. На четвртото, најнеблагодарно место во финалето, со освоени 43 поени се пласира екипата на Мобилност Велес во состав: Горан Здравков, Владо Владов и Денис Шаќиров.

Од 1 јануари 2015 година три новини за ортопедски помагала на товар на ФЗОМ

Соработката помеѓу Националниот сојуз на лицата со телесен инвалидитет на Македонија – Мобилност Македонија и Фондот за здравствено осигурување на Мкедонија резултираше со новини во делот на ортопедските помагала, како поквалитетно решение во корист на осигурениците.

На 29.12.2014 година во просториите на ФЗОМ се одржа прес конференција на која присуствуваа директорката на ФЗОМ, Маја Парнарџиева-Змејкова и претседателот на Мобилност Македонија, Бранимир Јовановски. Директорката на ФЗИОМ, Маја Парнарџиева-Змејкова, ги презентираше новините истакнувајќи дека правото за електромоторна инвалидска количка - скутер се однесува за сите лица кои имаат одземен од и одземена една или две раце но со сочувани движења за безбедно управување на скутерот. Посочи дека првпат се остварува ново право после 2000 година во сегментот за инвалидски колички. Фондот за воведувањето на скутерот како ортопедско помагало годишно дополнително ќе одвои 14 милиони денари. Ова право за да го оставарат околу 1.000 граѓани во следните пет години, потребно е да обезбедат конзилијарно мислење во соодветната Клиника за својата дијагноза како и дополнителни специјалистички прегледи со цел да ни потврдат дека се способни за управување со електромоторна инвалидска количка-скутер односно дека безбедно може да ја користат во сообраќај. Електромоторните инвалидски колички – скутери се движат на електрична енергија, со едно полнење можат да поминат од 40-45 км., имаат специјално прилагодени седишта за полесен влез и излез на лицата со инвалидност, се движат со брзина од 10-15 км. на час, но лимитирана на максимални 25 км. на час.

Во Република Македонија, согласно процентот на светската здравствена организација, се претпоставува дека околу 250.000 лица се соочуваат со некаков вид на инвалидитет. Се претпоставува дека околу 0,1% од популацијата се со потежок инвалидитет, непокретни и се движат со инвалидска количка или нешто повеќе од 2.000 лица.

Од таа причина за време на проектирање на  згради, треба да се овозможи станот, заедно со непосредното опкружување (паркинг простор, рампи за премостување на надворешни бариери, лифтови за премостување на висински бариери), односно севкупниот животен простор да се испланира флексибилно како би им се овозможило на лицата со инвалидност со намалена покретливост во најголема можна мера независно и самостојно живеење, непречен пристап, движење, становање и одмор во станот на еднаква основа со другите граѓани.

Проект „Достапна администрација за лица со инвалидност“ 

Владата на Р.Македонија спроведе проект кој е насочен кон помош на лицата со инвалидност за ослеснување на нивната состојба и надминување на бариерите со кои се соочуваат при остварување на нивните права. Имено, во периодот од октомври до декември 2014 година беа спроведувани низа на обуки низ кои беа обучени 776 вработени лица во државната и јавната администрација и во институциите на системот, кои доаѓаат од вкупно 269 институции, со цел да се надминат бариерите со кои се соочуваат лицата со инвалидност и олеснување на нивната комуникација со државните служби за остварување на нивните права и обврски. Сертификатите беа доделени во просториите на ДХО „Даре Џамбаз“ во Скопје, а на церемонијата на доделувањето на сертификатите на обучени лица во рамки на Проектот „Достапна администрација за лица со инвалидност“ присуствуваа министерот за труд и социјална политика, Диме Спасов и министерот за информатичко општество и администрација, Иво Ивановски.