На покана на фондацијата „Сила за живот“ од Велико Трново - Бугарија, тричлена делегација на Мобилност Македонија во состав: Бранимир Јовановски, Софка Прчева и Дејан Ѓорѓиевски од 20-27.08.2013 година присуствуваа на осмиот музички фестивал на лица со инвалидност во Поморје, Бугарија. Заедно со делегацијата патуваа и нашите членови – музичари и интерпретатори на народна музика, посебно поканети од страна на организаторот: Николчо Делов, Сотир Јоновски, Севдет Фејсулов и Зорица Гочевска.
На 29-ти јуни 2013 година беше организирано и изведено традиционалното Дефиле на Широк сокак, на кое беа поканети повеќе здруженија од Мобилност Македонија, сојузите на слепи и глуви лица, како и други невладини асоцијации. Локалната самоуправа традиционално ја поддржува оваа манифестација, а градоначалникот м-р Владимир Талескии претседателот на советот, проф. д-р Силвана Ангелевска редовно присуствуваат на нашите активности. Мобилност Битола и оваа година продолжува со лобирање за имплементација на Конвенцијата за правата на лицата со инвалидност на ОН во делот за локалната самоуправа.
И З В Е С Т У В А Њ Е
Министерството за труд и социјална политика во рамките на реализација на мерката за вработување на триста лица со инвалидност, ги информира граѓаните, националните инвалидски организации, здруженија на граѓани, медиумите и целокупната македонска јавност, дека на ден 16.10.2013 објавува:
Предлог - критериуми, услови за бодирање и потребна документација за засновање на работен однос на неопределено работно време за 300 извршители (лица со инвалидност).
Предложените критериуми се објавени на веб страната на Министерството за труд и социјална политика www.mtsp.gov.mk, а со цел да да се дадат предлози, коментари, сугестии или забелешки во однос на истите , како и транспаретност на целокупниот процес на вработување.
Ги повикуваме сите заинтересирани страни да се вклучат во овој процес и дадат коментари на е- маил адресата: Оваа е-адреса е заштитена од спамботови. Треба да ви е овозможено JavaScript за да ја видите. најдоцна до недела, 20.10.2013година.
Во прилог ви ги доставуваме и предлог критериумите, условите за бодирање и потребната документација за засновање на работен однос на неопределено работно време за 300 извршители, лица со инвалидност.
ЈАВЕН ОГЛАС - ПРЕДЛОГ КРИТЕРИУМИ (Превземи го огласот - PDF)
Влада на Република Македонија
Министерство за труд и социјална политика
Одделение за односи со јавност
Мобилност Македонија аплицирање за проекти финансирани од Европска комисија
Мобилност Македонија како партнер организација на Центарот за одржлив развој „АЛКА“ од Скопје, до канцеларијата на Европската комисија во Македонија, аплицираше со проект на тема „Обезбедување на услови за инклузивно образование на лицата со телесен инвалидитет“. Нашата констатација дека бариерите на физичката средина се основна пречка за целосна инклузија на лицата со телесен инвалидитет во општеството, и основна пречка во процесот на едукација бидејќи не можат да го бираат своето образование во сите степени, туку се принудени да користат услуги во образованието во училишта кои се колку-толку адаптирани и пристапни. Тоа доведува до извесен степен на неквалитетно образование и прекунување на натамошна едукација кај младите лица со телесен инвалидитет по завршување на основно или евентуално средно училиште. Цел на проектот е изработка на публикувана студија за состојбата во предучилишните установи, основните и средните училишта во Македонија во однос на архитектонските односно физичките бариери за лицата со телесен инвалидитет. Друга цел на проектот е подигнување на свеста кај образовниот кадар, родителите и општата јавност за потребите на децата со телесен инвалидитет во образовните институции.Во рамките на проектот ќе бидат изработени акциски планови за подобрување на условите за инклузивно образование на локално и национално ниво и истиот „тежи“ преку 100.000 евра.