МОБИЛНОСТ МАКЕДОНИЈА

Работилница „Достапна администрација“

Детали

На 05.10.2015 година со почеток во 10.30 часот, во големата сала на ДХО “Даре Џамбаз”, се одржа работилница во рамките на второто издание на проектот за “Достапна администрација за лицата со инвалидност” на која во организација на Заводот за социјални дејности - Скопје, а со поддршка од Министерството за труд и социјална политика, пред повеќе од 70 лица вработени во јавната администрација на локално ниво од повеќето локални самоуправи и државни институции, од.страна на Бранимир Јовановски беше презентирана “личната карта” на Мобилност Македонија, програмските цели и задачи, досегашните остварувања во однос на подобрувањето на правата и положбата на лицата со телесен инвалидитет во РМ, како и проблемите со кои се соочуваат лицата со телесен инвалидитет при образование, вработување или остварување на некое право во локалните самоуправи и во институциите на државата.

Детали

Државно првенство во шах 2015

Детали

На 03-04.10.2015, во хотелот „Мизо“ во Охрид,  во организација на МОБИЛНОСТ МАКЕДОНИЈА, се одржа 27-то Државно првенство во шах за лица со телесен инвалидитет на Македонија.

Учествуваа 21 натпреварувачи од 11 здруженија. Првото место го освои Јанчо Ѓорѓевски од Куманово со освоени 6,5 поени од можни 7, второто Љупчо Филипов од Кочани со 5,5 поени, а третото Горан Војновски од Кочани со 5 поени. Согласно пропозициите, првопласираните 10 натпреварувачи и тоа: Јанчо Ѓорѓевски-Куманово, Љупчо Филипов-Кочани, Горан Војновски-Кочани, Мирослав Бучевски-Скопје, Ристо Фотевски-Скопје, Наум Абов-Скопје, Горјан Свеќанцоски-Прилеп, Тоде Арсов-Штип, Адем Неби-Скопје и Билал Биберовиќ-Велес, директно се пласираа за следното 28-мо првенство кое ќе се одржи идната година.

Последните 5 шахист: Мирче Коцев, Ване Коцев, Атли Горенца, Драгиша Дукадиновски и Иле Панзов, немаат право на учество следната година, но нивните здруженија ќе имаат право да пријават други шахисти за учество на првенството.

Детали

Фестивал „Поморје 2015“ Бугарија

Детали

            Делегација од „Мобилност Македонија“ учествуваше на 10. јубилејно издание на традиционалните музички средби на лицата со инвалидност „Поморје 2015“ во соседна Бугарија, кое се одржуваше од 26 до 31 август 2015 година. Како и досега, организатор е фондацијата „Сила за живот“ од Велико Трново.  Покрај вообичаениот патрон на манифестацијата – градоначалникот на Поморје, веќе втор пат покровител е и народниот правобранител на Р. Бугарија.
            За време на манифестацијата се остварени повеќе средби и разговори за идна соработка, а нашите претставници во музичкиот дел: Никола, Севдет и Соте се прикажаа во најдобро светло. Од настаните споделивме убави мигови кои ќе ни останат во сеќавање. 

Детали

Набавка на моторно возило со рефундирање

Детали

Набавка на патнички автомобили за лица со инвалидност со рефундирање на средства за ДДВ, акцизи и царина

Мобилност Македонија со години наназад мошне активно делуваше на полето на враќањето на правото за набавка на патничко моторно возило со враќање на данок на додадена вредност, акцизи и царина за лицата со најмалку 80% телесно оштетување на долните екстремитети или карлица (онака како што беше остварување на ова право со стариот Закон за данок на промет на производи и услуги, член 14 точка 14 кој од 1999 година е вон сила). Сме напишале десетици писма со Владата на РМ, до Министерството за финансии, до Министерството за труд и социјална политика, остваривме многу состаноци, преговори и договори, баравме ова право да е слободно право на лицата со телесен инвалидитет кои ги исполнуваат наведените критериуми, предлагавме заштитни механизми од злоупотреба на ова право, и конечно се донесе Закон за измена и дополнување на закон за социјална заштита (Службен весник на РМ бр.33 од 05.03.2015 година), во кој закон е вметната нова глава VII-А која гласи РЕФУНДИРАЊЕ НА СРЕДСТВА ЗА НАБАВКА НА ПАТНИЧКИ АВТОМОБИЛИ и содржи пет нови члена од 213-а до 213-д и нов член 254-б. Со овие членови се уредува можноста за набавка на патнички автомобил, меѓутоа решението не е најдобро за лицата со телесен инвалидитет.

Детали