МОБИЛНОСТ МАКЕДОНИЈА

Меѓународна конференција на тема „Конвенција на ООН за правата на лица со инвалидност и нејзиното влијание врз националното законодавство и политики“

На 19.11.2015 година во хотел „Континентал“ во Скопје, во организација на Националното координативно тело за еднакви права на лицата со инвалидност во РМ и Министерството за труд и социјална политика неше одржана Меѓународна конфрернција на тема: Конвенција на ООН за правата на лица со инвалидност и нејзиното влијание врз националното законодавство и политики“ на која учествуваа презентери од Словенија, Хрватска, Србија, Босна и Херцеговина и домаќинот Македонија.

            Во организација на Националната федерација за спорт и рекреација на инвалидите на Македонија – Македонски параолимписки комитет, на 15.11.2015 година во спортската сала на гимназијата „Гоце Делчев“ во Куманово беше одржано државното првенство на Македонија во пинг понг за спортисти со инвалидност на кое учествуваа 24 пингпонгари, во 5 натпреварувачки категории. Главен судија на натпреварот беше Мики Трендафиловски. Првенството го отвори претседателот на федерацијата Тихо Русески, а во исклучително фер и коректна борба првите места по категории ги освоија следните спортисти:

ОДРЖАН ШЕСТИОТ РЕПУБЛИЧКИ ТУРНИР ВО ТАБЛА ВО МОБИЛНОСТ ТЕТОВО И ГОСТИВАР

На ден 14 Ноември 2015 година беше одржан  шестиот Републички турнир во табла на телесните инвалиди во Македонија. Турнирот беше одржан во Ресторан Арена во Тетово. Мобилност Тетово и Гостивар и оваа година традиционално беше домаќин. Од вкупно 16 здруженија на Мобилност Македонија на турнирот учество земаа 13 здруженија, со по двајца а некои и четворица натпреварувачи.Имаше вкупно 31 натпреварувачи кои играа во две добиени систем на елиминација. Во финалето влегоа двајца натпреварувачи од Мобилност Кочани и двајца од Мобилност Тетово. По одиграните натпревари за прво и второ место се бореа двајцата натпреварувачи од  Мобилност Кочани и прво место освои Љупчо Филипов, а второ Јаќим Анастасов. За трето место се бореа двајцата натпреварувачи од Мобилност Тетово и Гостивар и третото место го освои Ненад Ѓероски. Дипломи и награди беа поделени од пратеничката на ВМРО-ДПМНЕ во Собранието на Република Македонија Светлана Карапетрова и Претседателот на Мобилност Тетово и Гостивар Велибор Јаќимовски, и тоа: пехар за првиот, табла за вториот и пијалок за третиот, како и по два пара папучи за сите тројца.

Учество на 9 Меѓународна конференција за статусот и правата на лицата со инвалидитет 

Здружението Мобилност Македонија на покана на координацискиот одбор на здруженијата за лица со инвалидитет  при Босна и Херцеговина учествуваше на 9 меѓународна конференција во Сански Мост во период од 28-29.10.2015.

Преставници на Мобилност Македонија беа:

Горан Здравков-член на управен одбор на Мобилност Македонија

Рашо Tалунџиќ-член на здужението Мобилност Македонија

Живка Талунџиќ-член на здружението Мобилност Македонија

Конференцијата започна  на 28.10.2015 со свечено отварање и зема збор Г-дин Јусмир Алибабиќ. Следеа повеќе предавања и дискусии на теми поврзани со проблемите на лицата со инвалидитет при нивно вработување,лекување и рехабилитација на истите,проблемите со пристапност на институциите за лицата со ограничена подвижност,ставовите на просветните работници при едуцирање на деца со проблеми со говор. 

На 28.10.2015 година во просториите на Фудбалска федерација на Македонија, делегација на Мобилност Македонија одржа едночасовна работна средба со висока делегација на ФИФА, која беше во работна посета на ФФМ. Дискутиравме за можноста да се продлабочи соработката на полето на фудбалската игри, тренерска едукација,, да се направат пристапни стадионите за лицата со инвалидност, да се подигне јавната свест за можностите за лицата со инвалидност и доколку се изнајдат стабилни средства, да се оформат неколку тимови на нашите здруженија во футсал како можност да се организираат и лига натпревари. Состанокот траеше скоро еден час и на крај излеговме со пријатно чувство дека сме на добар пат во комуникацијата и соработката со ФФМ.

Нашата сорабтка придонесе да се срушат архитектонските бариери во „Куќата на фудбалот на Македонија“ и сега таа е комплетно пристапна за лица кои се движат со инвалидска количка, и тоа не само рампата на влезот на објектот, туку и лифт, адаптиран тоалет, паркинг простор и адаптирани трибини на тренинг центарот „Петар Милошевски“. Честитки до раководните лица на фудбалската федерацијата за преземените конкретни активности.