НАЦИОНАЛЕН СОЈУЗ НА ЛИЦА СО ТЕЛЕСЕН ИНВАЛИДИТЕТ НА МАКЕДОНИЈА

Mobile menu

logomob

 

Активности

4На 21.06.2017 година во хотел Мериот во Скопје, во организација на Мисија на ОБСЕ во Скопје, беше одржана Работилница на тема: “Политичко учество на лицата со инвалидност – национални предизвици”.

По поздравните говори и најава на 2,5 годишниот проект од страна на Г-ѓа Тина Кукама-Бах,шеф на Одделението за демократско владеење и родова еднаквост при ОБСЕ Канцеларија за демократски институции и човекови права во СКопје, претставниците на инвалидските организации говореа за предизвиците со кои се соочуваат лицата со инвалидност при вклучување во политичкиот живот, како и при користењето на своето уставно право на глас.

Повеќе: Работилница “Политичко учество на лицата со инвалидност – национални предизвици”

2На 21 јуни 2017г., во Едукативниот центар на Парламентарниот институт, зграда на Собранието на Република Македонија, по покана од претседатело на Собранието на РМ, г.Талат Џафери, се одржа тркалезна маса на тема: „Собранието и граѓанските организации“ (вклученост, соработка и отворена власт).Тркалезната маса беше организирана со цел да го претстави работењето на Парламентарниот институт пред граѓанските организации и да се разгледаат можностите за идна меѓусебна соработка.

Повеќе: Тркалезна маса – Собранието и граѓанските организации

5Македонскиот параолимписки комитет на 17.06.2017 година во Охрид го одржа Државното првенство во стрелаштво за спортисти со инвалидност. На првенството учествуваа 25 спортисти од кои 13 со телесен инвалидитет и 12 глуви и наглуви спортисти.

Судија на натреварот беа Фене Костадинов и Драган Дојчиноски.
Според очекувањата параолимпијците ги постигнаа највредните резултати на првенството. 
Младиот стрелец Александар Јовановски (потенцијален параолимпиец) постигна свој личен рекорд, а на натпреварот во пиштол настапија и двајца стрелци со оштетување на слухот, Светлан Седмаков и Адријана Гркова, кои ќе учествуваат на Deaflympics (Олимпијадата за глуви) која од 18-30.07.2017 година ќе се одржи во Самсун, Турција.

Повеќе: ДРЖАВНО ПРВЕНСТВО ВО СТРЕЛАШТВО 2017

1ПОДОБРУВАЊЕ НА УСЛУГИТЕ ЗА ЛИЦАТА СО ИНВАЛИДНОСТ, Охрид, хотел Метропол, 12-13.06.2017

Ана Карајанова-Димитрушева ја претставуваше Мобилност Македонија на работилницата под наслов „Подобрување на услугите за лицата со инвалидност“, која во организација на УНДП и Шведската агенција за развој и соработка, се одржа на 12 и 13 јуни 2017 година во хотел Метропол во Охрид .
Основна цел на работилницата беше размена на искуства помеѓу учесниците во насока на согледување на можностите лицата со инвалидност да живеат подостоинствен, подобар, самостоен и независен живот.

Повеќе: ПОДОБРУВАЊЕ НА УСЛУГИТЕ ЗА ЛИЦАТА СО ИНВАЛИДНОСТ

129-ти РЕПУБЛИЧКИ СПОРТСКИ ИГРИ НА ЛИЦА СО ТЕЛЕСЕН ИНВАЛИДИТЕТ НА МАКЕДОНИЈА, 08-11.06.2017, Струга и Охрид

Националниот сојуз на лица со телесен инвалидитет на Македонија-Мобилност Македонија во соорганизација со Македонскиот параолимписки комитет, од 08-11.06.2017 година ги организираше 29-те Републички спортски игри на лицата со телесен инвалидитет во Струга и Охрид со учество на 80 македонски спортисти и 20 од земјите од регионот.
Во Струга се одиграа натпреварите во пинг понг во 4 категории поединечно и во две категории екипно.
Игрите имаа меѓународен карактер бидејќи учествуваа екипи од: Бугарија (атлетика и пинг понг), предводени од Илија Лалов-претседател на Бугарскиот параолимписки комитет, Србија (атлетика и пинг понг), предводени од Бојан Јаќимовиќ-генерален секретар на Параолимпискиот комитет на Србија, Црна Гора (атлетика и пинг понг), предводени од Дејан Башановиќ и Босна и Херцеговина (атлетика и стрелаштво), предводени од Рефик Ибрагиќ.

Повеќе: 29-ти РЕПУБЛИЧКИ СПОРТСКИ ИГРИ