НАЦИОНАЛЕН СОЈУЗ НА ЛИЦА СО ТЕЛЕСЕН ИНВАЛИДИТЕТ НА МАКЕДОНИЈА

Mobile menu

logomob

Активности

1Сојузот на параплегија и квадриплегија на Србија, во деновите од 12.06.2019г. до 14.06.2019г. во Бор, под мотото “ Еднакви во спортот “, ги одржа 27-те спортски игри “ СЕНИ-27.РСИ “. 

Мобилност Македонија со свои трофејни спортисти во атлетика од огранокот на параплегија, класифицирани по меѓународната класификација на атлетичари, гостуваше на овие спортски игри, достоинствено се претстави и постигна задоволителни резултати и тоа;
1.Гоце Миновски ,(категорија М ф5 3) ,освоени;
Ѓуле-1 место , Диск-2 место, Копје-2 место ,
2.Зоран Јовановски , (категорија М ф5 5), освоени;
Диск-1 место, Ѓуле-2 место, Копје-3 место , 
3.Елена Давитковска , (категорија Ж ф5 6), освоени;
Диск-1 место, Ѓуле-1 место и
4.Златко Арсовски-учесник со задоволителни резултати.
За одличната организација и безпрекорната гостопримност, Мобилност Македонија им се заблагодарува на Сојузот на Србија и домаќините во Бор, и верува во долгорочна соработка и спортско дружење помеѓу овие две соседни државни здруженија на параплегија.

Повеќе: Републички спортски игри СПИКС Србија во Бор

1На стадионот на ФК Караорман во Струга, на 08.06.2019 година, во рамките на проектот со ФФМ, се одигра пријателски фудбалски натпревар помеѓу фудбалската екипа на Мобилност Македонија и ФК Охрид од Охрид. Натпреварот заврши нерешено 8:8, но резултатот не беше во преден план ниту во еден момент. Најважна беше социјалната инклузија преку спортски активности за лицата со телесен инвалидитет. Како и да е, натпреварот изобилуваше со прекрасни потези, прецизни удари на гол и голмански бравури од двете страни.

Повеќе: ФУДБАЛСКИ НАТПРЕВА ПОМЕЃУ ЕКИПИТЕ НА МОБИЛНОСТ МАКЕДОНИЈА И ФК ОХРИД

1Од 06-09.06.2019 година во Струга и Охрид, во организација на Националниот сојуз на лица со телесен инвалидитет на Македонија - Мобилност Македонија, и во соорганизација со Македонскиот параолимписки комитет, се одржаа 31 Републички спортски игри на лица со телесен инвалидитет на Македонија.

Натпреварите се одвиваа во 3 спорта: стрелаштво, атлетика и пинг понг а на игрите учествуваа 115 натпреварувачи. Игрите и оваа година имаа меѓународен карактер (особено во пинг понг) и на истите учествуваа спортисти од: Хрватска, Србија, Босна и Херцеговина, Бугарија, Црна Гора и домаќинот Македонија.
Мобилност Македонија упатува најголеми и најискреми честитки до сите спортисти, учесници на игрите, заради фер плеј настап, срдечна атмосфера и коректно натпреварување меѓу спортистите во сите спортски дисциплини кои беа на програма на игрите, а ги имаше навистина многу.
На игрите на покана на Македонскиот параолимписки комитет присуствуваше и претседателот на Параолимпискиот комитет на Србија, Зоран Миќовиќ, генералниот секретар, Бојан Јаќимовиќ и Светомир Младеновиќ, самостоен стручен соработник во комитетот. Со нив одржавме работен состанок на кој разменивме искуства и договоривме чекори за идна соработка.
Повеќе: 31 РЕПУБЛИЧКИ СПОРТСКИ ИГРИ НА ЛИЦА СО ТЕЛЕСЕН ИНВАЛИДИТЕТ НА МАКЕДОНИЈА

7Струга, 01-02.06.2019

Во организација на Мобилност Македонија и Националната федерација за спорт и рекреација на инвалиди на Македонија - Македонски параолимписки комитет се одржа Државно првенство во шах за лица со телесен инвалидитет во хотел „Галеб“ - Струга на 01 и 02 јуни 2019 година. 
31-ви пат своите шаховски вештини ги соочија 22 шахисти од здружените членки на Мобилност Македонија.
Првенството се играше во седум кола, швајцарски систем (викенд правила на ФИДЕ), со темпо на игра - 30 минути по играч.
Првото место го освои Тоде Зафировски од Мобилност - Тетово, второто Јанчо Ѓорѓевски од Мобилност - Куманово и третото место Неби Адем од Мобилност- Скопје.
Судија на првенството беше Тони Пајдаков.

Повеќе: 31-во Државно првенство во шах на Мобилност Македонија

3„Пристапна Битола, пристапна Македонија“ беше мотото и темата на годинашното, традиционално дефиле на Широк Сокак, кое „Мобилност Битола“ успешно го организира секоја година. После долгите подготовки со мали пречки, замисленото сценарио на оваа значајна манифестација беше остварено и реализирано на 30 јуни 2019. Придружувајќи се на кампањата за пристапност што ја води „Мобилност Македонија“, нашето здружение со своите ресурси и помагатели презема чекори за што поголема успешност на оваа значајна ставка во статутарните и програмски цели.

Повеќе: Традиционално дефиле и работилница на „Мобилност Битола“ – „Пристапна Битола, пристапна Македонија“