НАЦИОНАЛЕН СОЈУЗ НА ЛИЦА СО ТЕЛЕСЕН ИНВАЛИДИТЕТ НА МАКЕДОНИЈА

Mobile menu

logomob

Активности

101На 05.05.2021 година се одржа седница на Националното координативно тело за имплементација на Конвенцијата на ООН за правата на лицата со инвалидност на која на дневниот ред неа ставени следните точки:
1. Разгледување и усвојување на записникот од претходната седница одржана на 07.04.2021 година;
2. Дискусија по однос на изработката за Акцискиот план за 2021 година;
3. Информација за реализирани активности на Националното координативно тело до седницата;
4. Разно.
Се седницата раководеше Спасе Додевски, претседавач со Националното координативно тело за имплементација на Конвенцијата на ООН за правата на лицата со попреченост при Владата на Република Северна Македонија
Под точка 3, поставив прашања и дискутирав во однос на работи од интерес на нашето членство и тоа за:
Повеќе: СЕДНИЦА НА НАЦИОНАЛНОТО КООРДИНАТИВНО ТЕЛО ЗА ИМПЛЕМЕНТАЦИЈА НА КОНВЕНЦИЈАТА НА ООН ЗА ПРАВАТА НА...

001

На 23.04.2021 (петок), со почеток во 11.00 часот на платформата Microsoft Teams, во организација на Народниот правобранител и Канцеларија на Постојаната претставничка на ОН во Република Северна Македонија, се одржа настан за промоција и консултации за Националната рамка за следење на примената на Конвенцијата на ООН за правата на лицата со попреченост.
На настанот поред организаторите, присуствуваа и претставници од повеќе граѓански организации, меѓу кои и претседателот на Мобилност Македонија.
Модератор на настанот беше д-р Весна Костиќ-Ивановиќ, државен советник за следење на имплементацијата на Конвенцијата за правата на лица со попреченост при Народниот правобранител, а воведни обраќања имаа:
- м-р Васка Бајрамовска-Мустафа, заменик Народен правобранител на Република Северна Македонија и
- Тања Темелкоска, советник за човекови права, Канцеларија на Постојаната претставничка на ОН во Република Северна Македонија.
Повеќе: ПРОМОЦИЈА И КОНСУЛТАЦИИ ЗА НАЦИОНАЛНАТА РАМКА ЗА СЛЕДЕЊЕ НА ПРИМЕНАТА НА КОНВЕНЦИЈАТА НА ООН ЗА...

branimir jovanovski 1024x576„Лицата со потежок телесен инвалидитет, особено лицата кои се движат искучиво со инвалидска количка, приморани се да користат сопствен автомобил или такси превоз за да одат секојдневно на работа, на лекар, во продавница, на пазар, на разни културно-спортски манифестации, да учествуваат во активностите на своите здруженија, да одат на посета кај роднини и пријатели, на прошетка… Едноставно, секаде каде имаат потреба од движење, затоа што немаат друга алтернатива. Тие не можат да возат велосипед, не можат да користат јавен превоз, бидејќи тој, или не е организиран во нивните локални самоуправи, или не е адаптиран за транспорт на патници со инвалидска количка, а не можат ниту да одат пеш. Заради тоа нивните животни трошоци се значително повисоки во однос на лицата кои не се соочуваат со некој вид инвалидитет, или како што јас сакам да споредам, нашиот леб е за пет денари поскап од лебот на останатите“, вели Бранимир Јовановски, претседател на Националниот сојуз на лица со инвалидитет, „Мобилност – Македонија“.

Законот за социјална заштита донесен во 2019 година, пропишува дека на лицата кои со телесна или интелектуална попреченост се стекнале по својата 65. година, не им следува финансиска помош од државата. Како се одразува тоа на животот на овие луѓе, и што е поголем проблем за нив: непримањето на тие 6.000 денари месечно или чувството дека се напуштени од институциите?

Повеќе: Нова ТВ - Интервју со Бранимир Јовановски: Нашиот леб е за пет денари поскап од лебот на останатите

КОВИД – 19 предизвика и се уште предизвикува незамисливи последици врз здравјето на луѓето и економиите во општествата. Целиот свет се мобилизира во борбата за скротување на пандемијата. Многу емисии беа посветени на оваа модерна чума на денешницата, многу еминентни личности, лекари, научници, фармацевти и експерти говореа на оваа тема, но се чини дека анализата на ризиците со кои се соочуваат лицата со инвалидност во услови на КОВИД-19 и овојпат беше некако запоставена, иако според СЗО 10-15% од светското население или околу една милијарда жители во светот, се соочуваат со некаков вид на инвалидитет. Малку се говореше за нивните ризици по здравјето, за одлуката дали да се вакцинацинираат и дали кај нив вакцинирањето може да предизвика зголемени негативни појави отколку кај останатата популација.

Се чини дека она што засега недостасува е информацијата за ретки, евентуално многу тешки несакани ефекти, бидејќи тие се видливи само откако ќе се вакцинираат голем број луѓе и по долг период на набудување. Во таков случај можеби е оправдано што се соочувааме со дилемата: дали треба да се вакцинираме или ризикот од новите вакцини е преголем? Зарем можеби не е подобро да се смета на можноста од инфекција, отколку да се изложуваме на ризиците од новите вакцини?

Мобилност Македонија, како Национален сојуз на лица со телесен инвалидитет на Македонија, кровна организација која обединува преку 8.000 лица со најразличен вид на телесен инвалидитет, денес на оваа тема разговараше со Проф. д-р Нико Беќаровски од Универзитетската клиника за токсикологија, специјалист интернист, доктор на медицински науки.

 

Националниот сојуз на лица со телесен инвалидите на Македонија - Мобилност Македонија доби бројни прашања од членовите во врска со дилемите дали да се вакцинираат против Ковид-19 или не, а согласно нивната здравствена состојба, дијагнозата на заболувањето и терапијата која ја користат. Во обид попрецизно да им одговориме, одлучивме да консултираме стручни лица од областа на медицината. Му се заблагодаруваме на Доц. д-р. Иван Барбов, директор на Клиника за неврологија при Клинички Центар „Мајка Тереза“ - Скопје за одвоеното време и корисните информации кои ги сподели со нас и нашите членови.