На 09.11.2018 година, во Порта Македонија беше организирана изложба на уметнички дела создадени на деветтата меѓународна ликовна колонија која годинава се одржа во месец април во Охрид.
На изложбата присуствуваше претседателот на Владата на РМ, Зоран Заев, кој во својот поздравен говор ги афирмираше мерките на Владата за подобрување на правата на лицата со инвалидност, но и поддршката за актиностите на сојузот кој преку своите активности делува кон подобрување на правата и положбата на лицата со телесен инвалидитет во РМ.
Повеќе: ИЗЛОЖБА НА СЛИКИ ОД ДЕВЕТТАТА МЕЃУНАРОДНА ЛИКОВНА КОЛОНИЈА
На МОБИЛНОСТ Велес и беше доделена 9 Ноемвриска награда која преставува голема чест и од страна на Здружението изразуваме голема благодарност до општината на град Велес како и до сите граѓани на градот Велес
На 20.10.2018 година во хотелот Цар Самуил во С.Банско, Струмица, во организација на Мобилност Струмица, а со финансиска поддршка од Мобилност Македонија, општина Струмица и други донатори, се одржа дваесет и првото издание на манифестацијата „ТОРТИЈАДА“ на која членовите на Мобилност Македонија од 12 здруженија ги презентираа своите кулинарски вештини изработувајќи прекрасни торти кои рефлектираа прекрасни пораки упатени до институциите на државата за подобрување на правата и положбата на лицата со телесен инвалидитет во РМ.
Повеќе: 21-ва ТОРТИЈАДА во организација на МОБИЛНОСТ СТРУМИЦА
На 20-21.10.2018 година во хотелот „Цар Самуил“ во с.Банско, Струмица, во организација на Националниот сојуз на лица со телесен инвалидитет на Македонија - Мобилност Македонија, се одржа дваесет и четвртиот Републички квиз натпревар на лица со телесен инвалидитет на Македонија. На квизот му претходеа тестирања низ кои поминаа повеќе стотици членови на здруженијата, членки на сојуот, за да на крајот 16 екипи составени од по три членови настапат на истиот.
Жири комисијата беше во состав: Зоран Јорданов, претседател на жирито и изготвувач на прашањата, Софка Прчева и Драган Дојчиноски, водител, Бранимир Јовановски, технички реализатор, Тони Пајдаков.
Според зборовите на присутните, ова издание на квизот беше еден модерен и содржаен квиз натпревар, на кој сите учесници покажаа завидно знаење и само нијански одлучуваа кои екипи ќе ги продолжат натамошните борби.
Повеќе: 24-ти РЕПУБЛИЧКИ КВИЗ НАТПРЕВАР НА ЛИЦАТА СО ТЕЛЕСЕН ИНВАЛИДИТЕТ НА МАКЕДОНИЈА