МОБИЛНОСТ МАКЕДОНИЈА

Работен состанок во канцеларијата на Мобилност Македонија на 07.04.2017, на претставници на ПОРАКА и МОБИЛНОСТ МАКЕДОНИЈА со проф.Вито Флакер од Словенија, тим лидер за техничка поддршка за процесот на деинституционализација во РМ, при Министерството за труд и социјална политика, проект подржан од ЕУ во РМ.

ТЕМАТСКА РАБОТИЛНИЦА ВО КУМАНОВО НА ТЕМА:

“Предлози за измени и дополненија на Законот за здравствена заштита, Законот за здравствено осигурување и правилниците кои произлегуваат од истите”

Денес, 02.04.2017 година, во ресторан ГРАЦИЈА во организација на Меѓуопштинското здружение на лица со телесен инвалидитет на Куманово, Кратово и Крива Паланка – Мобилност Куманово, а со финансиска поддршка од Националниот сојуз на лица со телесен инвалидитет на Македонија-Мобилност Македонија беше одржана тематска работилница на тема: “Предлози за измени и дополненија на Законот за здравствена заштита, Законот за здравствено осигурување и правилниците кои произлегуваат од истите”, на која учествуваа 60 членови од 11 здружени членки на МОБИЛНОСТ МАКЕДОНИЈА. 

На 27.03.2017 (понеделник) со почеток во 12:00 часот во просториите на ЕУ проектот за професионална рехабилитација и лична асистенција кои се наоѓаат на адреса ул. Златко Шнајдер 6а-4 во Скопје, беше одржан состанок со сервис провајдери за услугата од Куманово, Скопје, Битола и Тетово.

На состанокот беа договорени следните чекори за асистенцијата која како пилот програма се очекува да стартува најдоцна до почетоот на месец мај годинава и ќе трае 2 месеци за селектираните членови од осумте региони на Македонија (вкупно 70 лица со телесен инвалидтет).

Во организација на Генералниот Директорат за вработување, социјални прашања и инклузија на Европската комсија и Министерството за труд и социјална политика на РМ, на 28 март се одржа работилница за деинституционализација во Република Македонија. Од страна на Мобилност Македонија, на работилницата учествуваше генералниот секретар, Софка Прчева.

Мобилност Македонија одржа редовна седница на Собранието на 25.02.2017 година во просториите на ДХО „Даре Џамбаз“.

Беа усвоени Извештајот за работа на Мобилност Македонија за 2016 година, финансискиот извештај за 2016 година, Програмата за работа за 2017 година и Финансискиот план за 2017 година.