МОБИЛНОСТ МАКЕДОНИЈА

СОФИСТИЦИРАНИ КОМПОНЕНТИ ЗА ИЗРАБОТКА НА ПРОТЕЗИ

Детали

На 22.10.2019 година во просториите на ФЗОМ се одржа работен состанок помеѓу претставниците на Мобилност Македонија, Бранимир Јовановски и Софка Прчева, Комисијата за ортопедски помагала при ФЗОМ, д-р Вера Митровска, Фатон Мемети, Весна, Марковска, Даниела Стојановска-Џинговска, и Центарот за ортотика и протетика Славеј од Скопје, Горан Чаловски.

На состанокот бевме информирани дека нашите напори и долгогодишни преговори со ФЗОМ конечно се реализираат и дека веќе е донесена одлука за измени и дополненија на Правилникот за индикации за остварување на право на ортопедски и други помагала во однос на компоненти за изработка на протези и дека се чека измените да бидат објавени во Сл.Весник на РСМ.

Детали

ОДРЖАН РАБОТЕН СОСТАНОК ЗА ОРТОПЕДСКИ ПОМАГАЛА ВО ВЛАДА НА РЕПУБЛИКА СЕВЕРНА МАКЕДОНИЈА

Детали

На 20.08.2019 година, во просториите на Владата на Република Северна Македонија, на покана од посебниот советник за правда, Тања Чачарова Илиевска, беше одржан работен состанок помеѓу претставниците на Мобилност Македонија, Бранимир Јовановски и Софка Прчева, директорот на ЦОП „Славеј“-Скопје, Горан Чаловски, директорите на ФЗОМ, Ден Дончев и Орхан Рамадани, директорот на сектор за финансиски прашања при фондот, Миле Сугарев, советникот на директорот на ФЗОМ за ортопедски помагала, Даниела Стојановска-Џинговска, раководителот на одделение за договори со здравствени установи, Фатон Мемети и претседателот на НКТ за имплементација на Конвенцијата на ООН за правата на лицата со инвалидност, Спасе Додевски.

Детали

ИЗВЕШТАЈ ОД СОСТАНОКОТ НА РАБОТНАТА ГРУПА НА ДЕЛ ОД ПРОЕКТОТ:,,ПРАВЕН, ФИНАНСИСКИ И ФИЗИЧКИ ПРИСТАП ДО ПРАВДА ВО ОСНОВНИТЕ СУДОВИ ВО Р.СЕВЕРНА МАКЕДОНИЈА"

Детали

На 10.09.2019 година во хотел Солун во Скопје се одржа состанок на работната група на дел од проектот: ,,Правен, финансиски и физички пристап до правда во основните судови во Р. Северна Македонија". На состанокот присуствуваше секретарот на Мобилност Тетово и Гостивар, Фани Јаќимовска, а беа присутни и претставници од други невладини организации, претставници од медиумски куќи, од Министерство за труд и социјална политика, како и претставници од Коалиција Сите за правично судење, кои го имплементираат овој проект со поддршка на УСАИД за граѓанско учество.

Детали

ОТВОРЕНО ИНКЛУЗИВНО ДЕТСКО ИГРАЛИШТЕ ВО ШУТО ОРИЗАРИ

Детали

На 06.09.2019 година, во Општина Шуто Оризари, во дворот на градинката „8-ми Април“ беше отворено новото детско инклузивно игралиште, четиринаесто по ред во нашата држава.

Оваа градинка е изградена со финансиска подршка на Кралството Норвешка, додека дворното место е изградено од страна  на Општината Шуто Оризари, Програмата за развој на Обединетите нации (УНДП) и Министерство за труд и социјална политика во партнерство со Мобилност Македонија.

На обезбедениот простор со мека подлога се поставени двојна нишалка со специјални седишта, комбинирана клацкалка со 2 специјални и 2 обични седишта, платформа на вртење-специјална и еден комбиниран реквизит. Вкупната вредност на поставените реквизити е 580.000,00 денари, средства што Министерството за труд и социјална политика ги обезбедува согласно проектот за инклузивни игралишта и програмата за работа на сојузот.

Детали