НАЦИОНАЛЕН СОЈУЗ НА ЛИЦА СО ТЕЛЕСЕН ИНВАЛИДИТЕТ НА МАКЕДОНИЈА

Mobile menu

logomob

1Турбулентната 2019 година, за Мобилност Скопје, беше година која со себе понесе многу ангажмани, остварени програмски активности, извонредни работни трибини, спортски успеси, креативни остварувања, едукативни предавања и многу активно-социјални дружења. Сиве овие предизвици на нашето здружение, му дадоа апсолутно право да ја заокружат годината со своите членови и своите верни пријатели во една весела и незаборавна предновогодишна прослава.

Мобилност Скопје веќе традиционално, години наназад, новогодишните прослави, како најсоодветен и најадекватен за нашите членови, прославата ја одржува во ресторан Бисера, во населба Аеродром. Со истата мотивација и оваа новогодишна прослава се организира во истиот ресторан, на 23 декември, со почеток во 12 часот.На прославата покрај многубројните членови на Мобилност Скопје, беа поканети и присуствуваа многу членови од неколку здруженија на Мобилност Македонија, гости од збратимените здруженија од Врање, Књажевац и Лесковац, како и многу верни пријатели и соработници на Мобилност Скопје.

Покрај одличната организација и гостољубивиот персонал, за забавата во ресторанот се погрижија;  музичарите од извонредниот состав, гостинката-естрадната етно интерпретаторка – Виданка Ѓеоргиева, како и сите весели и насмеани лица на присутните во салата.

Прославата протече со многу дружење, многу веселба, многу песни од сечие грло, по некое оро за храбрите играорци, како и еден грст прекрасни емоции се до 17 часот.

Задоволните лица на сите присутни говореа за магично поминатата веселба , посакуваа да потрае подолго и да има уште многу вакви слични денови, а при тоа шепотејќи,

“Се што е убаво и кратко трае”

Мобилност Скопје со оваа средба успеа на единствено - извонреден начин да и даде печат на старата година (слободно верификувајќи ја во својот регистар на успешни години) и ведро да ја чека новата што претстои.

СРЕЌНА НОВА 2020 ГОДИНА!