МОБИЛНОСТ МАКЕДОНИЈА

ДОДАТОК ЗА МОБИЛНОСТ - ВАЖНО!!!

Детали

Почитувани членови,

Министерството за труд и социјална политика на 24.07.2012 година остварило работен состанок со претставници на Министерството за здравство и Комисиите за издавање на Наод и Мислење за лица со попреченост:

-  Ј.З.У. Завод за физикална медицина и медицинска рехабилитација, Скопје, (за остварување на право на мобилност)

- Служба за ментално здравје на деца и младинци при Ј.З.У. Здравствен дом - Скопје, (за остварување на право на слепило)

- Служба за ментално здравје на деца и младинци при Ј.З.У. Клиничка болница Битола, (за остварување на право мобилност и слепило)

- Ј.З.У. Клиничка болница-Тетово (за остварување на право на мобилност и слепило)

- Ј.З.У. Здравствен дом- Штип, (за остварување на право на мобилност и слепило) 

На состанокот биле донесени следните заклучоци:

1. Сите баратели за остварување на овие права да се испратат на некоја  од горенаведените Kомисии во зависност кое право треба да се оствари.

2. Комисиите се должни точно да ја наведат дијагнозата во наодот и да заокружат дали лицето може или не може да го оствари бараното право.

3. Правото на остварување на посебниот додаток за мобилност и слепило се остварува од денот на поднесување на барањето.

4. Истовремено Ве известуваме дека ова право може да го остварат и лицата кои што се сместени и во постојните установи за социјална заштита.

На Мобилност Македонија останува во наредниот период да се искоординира со министерството за следното:

1.Да се официјализира со посебен допис работата на комисиите;

2.Да се донесе одлука дали подносителите на барањата ќе одат на комисија самоиницијативно, или со посебен допис ќе бидат известени од Центрите за социјални работи за термини кога да се јават на комисија;

3.На чиј терет ќе бидат трошоците од прегледот, на министерството или на подносителите на барањата.

Очекувам овие дилеми да ги разрешиме до средината на следната недела за што повторно ќе ве информирам.

Детали

Додаток за мобилност

Детали

Почитувани колеги со најтешка телесна инвалидност,

Денес добив нова информација во врска со остварувањето на правото на додаток за мобилност. Центрите за социјални работи по општините имаат добиено инструкции и формулар - Барање за остварување на право на додаток за мобилност. Подолу во текстот го објавувам текстот на барањето. Истото ќе го добиете во Центарот за социјални работи во вашиот град. Пополнете го и доставете со него фотокопија од медицинска документација која е назначена во самото барање. Поднесете ги барањата во текот на следните неколку денови (најитно што можете) за да може вашиот предмет да биде земен во обзир при одлучувањето.

Можно е да се случи (доколку министерот така одлучи) да бидете упатени повторно на комисија за да добиете нов наод и оценка за вашиот степен на инвалидност. Тоа не ве ограничува да поднесете барање со стар наод, оценка и мислење, напротив, треба да го сторите тоа.

По добивање на нова информација, веднаш ќе бидете известени.

Следи текстот на Барањето и опис на потребна документација за аплицирање.

Детали

Меѓународна конференција за мултипла склероза

Детали

Меѓународна конференција за мултипла склероза во Нови Кнежевац

Претставници на МОБИЛНОСТ МАКЕДОНИЈА, претседателот Бранимир Јовановски и генералниот секретар Софка Прчева, како и претседателот на Мобилност Скопје, Дејан Ѓорѓиевски и претседателката на огранокот на МС од Скопје, Биљана од 26-29.06.2012 година учествуваа на Меѓународна конференција посветена на лицата заболени од мултипла склероза што се одржа во Нови Кнежевац, Србија. Познати невролози од Унгарија и Србија ги презентираа новите методи при лечење на оваа болест, а Проф.др. Чондор Наѓ од Нови Сад презентираше модел на мрежа на сервисни услуги, во работна верзија наречена NEXUS. Подоцна, во комуникацијата со претставниците на Мобилност Македонија изрази желба да ја вклучи и Република Македонија во регионалното движење. Имено, се работи за систем на обука на специјалисти од разни области: офтамолози, стоматолози, гинеколози, хирурзи, психолози, нутриционисти и други профили, како се постапува со лицата заболени од МС кога ќе бараат соодветни услуги. За формирање на ефикасна мрежа и спроведување на проектот во дело, побарани се средства од Норвешка, со голема шанса да се добијат бидејќи презентираниот модел е всушност модел по кој функционира Норвешка и останатите скандинавски држави кога се во прашање лица заболени од мултипла склероза.

24-ти Републички спортски игри

Детали

Одржани 24-ти Републички спортски игри на лица со телесен инвалидитет на Македонија

Дваесет и четвртите Републички спортски игри на лица со телесен инвалидитет на Македонија се одржаа од 08-10.06.2012 година на спортските терени во Струга и Охрид, а во организација на Националниот сојуз на лица со телесен инвалидитет на Македонија – Мобилност Македонија и во соорганизација со Националната федерација за спорт и рекреација на инвалидите на Македонија – Македонски параолимписки комитет. Спортистите беа сместени во хотелот “Галеб” во Струга, додека натпреварите се одржаа: стрелаштвото на стрелиштето „Бејбунар“ во Охрид, атлетиката на стадионот на ФК “Караорман” во Струга и пинг понгот во малата сала „Нико Нестор” во Струга. Ова е убава прилика да им изразиме голема благодарност на спортските работници од ФК „Караорман” од Струга, кои и овојпат дозволија бесплатно користење на стадионот за одржување на натпреварите во атлетски повеќебој.

Детали